Mes 25 pasurive, Prokuroria e Posaçme i ka sekuestruar Jamarbër Malltezit, dhëndrit të ish-kryeministrit Sali Berisha, dhe 6 llogari bankare me vlerë rreth 250 mijë euro.
Përveç 4 apartamenteve dhe një vile ne bregdet ne zonën e gjirit të Lalzit, janë sekuestruar dhe tre kompani, konkretisht në Homeplan shpk, ku Jamarbër Malltezi ka 45% të aksioneve, Magnet IMO shpk ku ka 100% të aksioneve dhe Magnet Gym and Fit, ku ka 60% të aksioneve.
Gjithashtu janë sekuestruar pasuri te tjera, mijëra sipërfaqe toke, një sipërfaqe parimi në një pallat 9 katesh ne rrugën “Frosina Plaku” në Tiranë.
Oficerët e policisë gjyqësore kanë nisur te paraqiten fizikisht në objekte për të bërë lajmërimin dhe ndërrimin e bravave. Deri në një vendim tjetër këto do të jenë në sekuestro dhe Malltezi nuk mund të kryejë asnjë procedurë tjetër qoftë shitje, blerje apo qira.
Këtë të hënë në mesditë përfaqësues të Policisë së Shtetit nga Drejtoria e Krimit Ekonomik kanë hyrë brenda vilës se maltezit ne gjirin e Lalzit dhe për një ore e 45 minuta dhe kanë kryer procedurën e sekuestrimit.
Jamarbër Malltezi akuzohet për veprën penale te korrupsionit pasiv dhe te pastrimit te parave te kryera ne bashkëpunim pas tre viteve hetim nga prokuroria e Posaçme për çështjen e privatizimit te ish klubit sportiv Partizani. Më parë policia ka njoftuar agjencinë e Kadastrës për sekuestrimin e pronave të Malltezit me qëllim ndalimin e kryerjes së transaksioneve.
