“Jam i prekur…”, Rama zbulon dhuratën që mori nga luftëtari i UÇK-së: Mezi pres të marr fund kalvari juaj në Hagë 

Kryeministri Edi Rama është prekur nga një dhuratë e marrë sot nga ish-komandanti i UÇK-së Rexhep Selimi.  

Ai e ka ndarë me të gjithë në rrjetet sociale, duke zbuluar që bëhet fjalë për një nga pikturat e koleksionit, të cilën ia dërgoi nga Haga përmes Kryetarit të Kuvendit të Kosovës. 

Rama ka shprehur mirënjohjes, duke shpresuar që kalvari i tyre në Hagë të përfundojë. 

Postimi i kryeministrit Rama: 

I prekur nga kjo dhuratë e bukur prej koleksionit të pikturave të luftëtarit të UÇK-së Rexhep Selimi, i cili ma përcolli sot nga Haga përmes Kryetarit të Kuvendit të Kosovës. 

Shumë faleminderit me mirënjohje i dashur mik, e mezi pres ta shoh të marrë fund kalvari, gjithnjë e më i pajustifikueshëm i mbajtjes së të katërve ju peng atje në Hagë.