Jahmir Hyka është emri i futbollistit që shënoi i pari në portën e kombëtares së Lihteshjentit, e megjithatë duket se ai ka rënë dakrod për dicka me kundërshtarin.
Bëhet fjalë për atmosferën e krijuar nga tifozët. Edhe pse ai e ka cilësuar si të jashtëzakonshme tifozërinë shqiptare, i ka “tërhequr” vërejtje për përdorimin e fishekzjarreve.
I pyetur nga e përditshmja zvicerane “Blick” rreth ndeshjes me Lihtenshtejnin, pas të cilës portieri i vendasve, Jehle, u ankua se tifozët kishin hedhur fishekzjarrë pranë tij, Hyka u shpreh:
“Kjo nuk është gjë e bukur, por tifozët janë tifozë, gjëra të tillë mund të ndodhin”.- tha ai për episodin e minutës së 72 të takimit.
Episodi në Lihtenshtejn mund t’u kushtojë shumë shtrenjtë kuqezinjve, të cilët rrezikojnë të luajnë ndeshjen e radhës në shtëpi, në nëntor ndaj Izraelit, pa mbështetjen e tifozerisë, nëse FIFA do të vendosë të përshkallëzojë masat. Pak ditë më parë, ajo bëri të ditur se kishte gjobitur me 50 mijë Franca zvicerane (rreth 46 mijë euro) FSHF-në për sjelljen e tifozëve.
