Gjykata e Katanias dha sot masën “arrest me burg’ për Moisi Habilajn, i akuzuar për trafik ndërkombëtar droge. Gjithashtu masa e sigurisë u dha dhe bashkëpuntorët e tij Maridian Sulaj 29 vjeç dhe Fatmir Minaj 55 vjeç, ndërsa italianët Antonio Riela 46 vjeç, Vincenzo Spampinato 44 vjeç, Gianluca Passavanti 37 vjeç dhe Angelo Busacca 37 vjeç.
Moisi Habilaj dhe bashkëpuntorët e tij u arrestuan në 16 Tetor 2017 gjatë operacionit të koduar “Rosa dei venti” të zhvilluar në Siçili, ku dhe u sekuestruan 20 mijë euro cash.
Sipas hetimeve, ka rezultuar se organizata ka transportuar mbi 3.5 ton marihuanë nga bregdeti shqiptar në Itali në intervale të ndryshme.
Një ditë më vonë (17 Tetor 2017) mediat italiane zbuluan detaje në lidhje me Moisi Habilajn. Në Nëntor të vitit 2013, policia italiane monitoroi një takim mes Antonio Rielës (i arrestuar si pjesë e organizatës kriminale) dhe Florian Habilajt, vëllai i Moisi Habilajt.
Nga përgjimet përmendjen dhe emri i ish- ministrit Saimir Tahiri, nga ky Prokuroria shqiptare ka nisur hetimet
