24 marsi duket se nuk është ditë kaq e zakonshme për njerëzit e rëndësishëm në Shqipëri. Plot 3 prej tyre festojnë sot ditëlindjet.
Opinion.al mësoi se veç kryetarit të Kuvendit, Ilir Meta dhe ministrit të jashtëm, Ditmir Bushati, feston sot 50 vjetorin e lindjes dhe ambasadori i SHBA në Tiranë, Donald Lu. Të tre personazhet e njohura të politikës kanë qenë tepër të rezervuar, për mënyrën sesi kanë menduar të organizojnë ditëlindjet respektive.
Në zyrat e kryetarit të Kuvendit kanë mbërritur buqeta me lule dhe urime të shumta, por duket se urimi më i veçantë i shoqëruar me një dedikim special sapo akrepat kanë shënuar 00.00pm ka qenë ai i Erës, vajzës së vogël të Ilir Metës, që duket se gjen gjithmonë diçka të veçantë për të uruar babain e saj.
Ndërkohë që ministri i jashtëm është pritur në zyrën e tij pas kthimit nga Parlamenti nga stafi që veç urimeve kanë menduar dhe për një tortë, që nga momenti i shkrepjes së tortës duket ta ketë gëzuar shefin e diplomacisë.
Teper i rezervuar në festime duket të ketë qenë ambasadori Donald Lu. Nuk dihet nëse stafi apo politikanët shqiptarë kanë qenë po kaq të kujdesshëm dhe për të, ndërsa një ditë më parë ai sërish dha mesazhe të forta për klasën politike.
