Ditën e sotme, Fadil Kasemi u paraqit përpara trupit gjykues i cili do të merrte vendimin për dënimin e tij, pasi 4 ditë më parë vrau me pistoletë ish-bashkëshorten e tij Fildes Hafizi.
Mbi Fadil Kasemin rëndojnë 3 akuza, “Vrasje për shkak të lidhjeve familjare”, “Armëmbajtje pa leje” dhe “Rrëmbim personi”.
Përmes avokatit të tij, Kasemi ka deklaruar se pasi ka kryer krimin nuk ka marrë asnjë person peng, por i ka nxjerrë dorën përpara një makine të rastësishme, e cila ka qëlluar një furgon mallrash.
Sipas të pandehurit, nuk e ka kërcënuar shoferin për asnjë moment, por i ka kërkuar ta dorëzojë në polici, pasi kishte kryer një vrasje.
“Nuk kisha ndërmend aspak të arratisesha, doja të shkoja në polici”, ka deklaruar Fadil Kasemi, përmes avokatit.
Nga ana tjetër, bazuar dëshmisë së shoferit kemi të bëjmë me një situatë krejt të kundërt, duke e kërcënuar me jetë atë që ta dërgonte me makinën e tij në periferi të Tiranës.
Kasemi nuk është shprehur aspak i penduar për veprën e kryer, ndërsa është shprehur vetëm se nuk dëshiron të flaës për këtë gjë.
