Higjiena e gojës është e rëndësishme, nëse nuk e mbajmë mund të bëhet shkaktarë i disa sëmundjeve të gojës dhe organizmit.
Thuani jo “ilaçit” për zbardhjen e dhëmbëve. Edhe pse mund t’i gjeni shumë lehtë ne barnatore mos u mashtroni t’i blini, pasi që efekti i tyre do të vërehet për një kohë të shkurtë dhe dhëmbët tuaj do të rikthehen shpejtë në gjendjen e mëparshme. Transmeton Gazeta Express.
1.Soda e bukës
Soda e bukës njihet si një prej produkteve me më efekt për zbardhjen e dhëmbëve. Përdorimi është shumë i thjeshtë, në vend të pastës së dhëmbëve në brushë vendoseni një sasi të sodës së bukës, por sigurohuni se soda të jetë e lagur sepse nëse është e terur mund të dëmtojë smaltin e dhëmbëve. Pasi t’i fërkoni dhëmbët shpërlajeni gojën me më shumë ujë sesa që e shpërlani pas largimit të pastës.
2.Dredhëzat
Dredhëzat janë të pasura me vitaminën C, i cili vitamina ju ndihmon që dhëmbët tuaj të duken më të bardhë. Këtë metodë mund ta aplikoni duke shtrydhur disa dredhëza, lëngun e të cilave mbajeni për 2-3 minuta në gojë.
3.Limoni
Limoni në përbërjen e tij ka një “pluhur zbardhues” prandaj shumë njerëz e përdorin për zbardhjen e dhëmbëve. Në një gotë shtrydhni një limon dhe në këtë lëng shtoni pak krip, këtë masë lëreni të “pushojë” pak. Pastaj shpërlajeni gojën për 3-5 minuta.
4.Peroksid Hidrogjeni
Perosidi i Hidrogjenit kontribuon shumë në zbardhjen e dhëmbëve dhe në largimin e njollave. Kujdes këtë përbërje duhet ta përdorni vetëm 30-60 sekonda dhe pastaj shpërlani gojën me ujë.
5.Lëvorja e bananes
Kjo lëvore është e pasur me magnez dhe kalium, këta dy përbërës largojnë njollat e dhëmbëve në smalt. Për të pasur efekt kjo metodë thjeshtë fshini dhëmbët dy herë në ditë me lëvoren e bananes për 3-5 minuta/ Gazeta Ekspress
