Sipas Organizatës Botërore të Shëndetësisë, rreth 43 milion fëmijë nën moshën 5-vjeçare në të gjithë botën, janë mbi peshë..
Fëmijët mbipeshë, rrezikojnë ta zhivillojnë këtë probleme edhe gjatë rritjes.
Këto janë disa rregulla që prindërit duhet ti kenë parasysh për të ruajtur peshën e duhur tek fëmijët:
Edukoje fëmijën tënd të konsumojë 3 vakte kryesore: mëngjesin, drekën dhe darkën, duke shtuar dhe dy intervale, një mes mëngjesit dhe drekës dhe një pasdite, duke evituar që të konsumohen ushqime jashtë orareve.
Pakëso konsumimin e ushqimeve të gatshme, si biskota, fast food, akollore, pijë me gaz, apo dhe të lëngjeve të frutave. Të gjitha këto ushqime kanë shumë sheqer dhe shumë pak elementë ushqyes.
Alterno burimet e proteinave, domethënë të mishit, vezës, djathit dhe peshkut, duke mos i përdorur në të njëjtin vakt.
Mësojeni të voglin tuaj që të marrë çdo ditë sasinë e duhur të perimeve të gatuara ose të gjalla.
Zgjidh ushqimet e përgatitura në shtëpi krahasuar me ato të paketuara, duke qenë se mund të kontrrollohet më mirë cilësia e përbërësve dhe gatimi më i thjeshtë.
