Çdo prindër shqetësoher kur fëmija i tij shfaq sjellje jo normale, agresive ose tekanjoze. Por shpesh prindërit harrojnë se psikologjia e fëmijës është aq komplekse sa nevojitet durim e kohë për ta kuptuar se çfarë mesazhi na përcjell realisht sjellja e tyre. Për këtë dhe ndërtimin e një komunikimi të efektshëm me fëmijët, është e nevojshme të dimë se cilat sjellje janë tipike për një fëmijë me probleme emocionale dhe psikologjike.
Mungesa e orarit të gjumit
Gjumi nuk është diçka që mirëpritet nga fëmijët pasiqë kanë dëshirë të gjejnë arsyetime që të rrinë zgjuar edhe ca orë. Fëmijës që i mungon gjumi dhe pushimi, nuk është fëmijë i lumtur dhe qan për imtësirat më banale, andaj prolongimi i kohës së gjumit vetëm pse fëmija juaj ju lutet, apo edhe për arsye se keni punë ende të pambaruara, është rruga e sigurtë e krijimit të një fëmije të llastuar.
Qëndrim i keq
Qëndrimi i keq i prindit është shumë i rëndësishëm pasiqë qëndrimi i fëmijës mvaret nga ai. Mos e nënvlerësoni ndikimin tuaj tek fëmija juaj, nëse dëshironi fëmijë të lumtur, bëhuni prindi që rezonon energji pozitive.
Mungesa e kontaktit të syve
Kontakti i thjeshtë i syve dhe koha që ua kushtojmë fëmijëve, mund të bëjnë mrekulli dhe të qetësojnë tensionin në situata të ndryshme kur fëmija është “në pëlcitje e sipër”. Veç kësaj, është mirë që kohën të cilën ua kemi kushtuar fëmijëve mos ta kalojmë duke shikuar në celular qoftë edhe për një minutë, apo të bëjmë ndonjë punë tjetër “ paralelisht”, fëmijët e meritojnë përkushtimin tonë të plotë.
“Shpërblejmë” vajin
Askush nuk dëshiron të dëgjojë vajin dhe histerinë e një fëmije, dhe mund të dakordohemi të gjithë se vaji është tingulli më i tmerrshëm në univers. është më lehtë t`ia plotësoni tekat fëmijës sesa të dëgjoni gjithë atë dramë, mirëpo çfarë i mësojmë fëmijët me një veprim të tillë, pos atë se me histeri dhe me vaj mund të fitojnë çdo gjë që dëshirojnë. Fëmijët mësojnë shpejtë dhe menjëherë do e kuptojnë se mjafton një bërtimë për të marrë atë që dëshirojnë, andaj është më mirë të duroni vajin
