Kryeministri Rama i është përgjigjur me ironi, por pa ia përmendur emrin Ben Blushit lidhur me mesazhin që kërcënues që i kishte ardhur nga Elvis Roshi.
Duke iu përgjigjur Berishës, Rama tha se ua ka futur mikrobin e qytetarit dixhital edhe të tjerëve që lexonin sms në Kuvend.
“Ua fute këtë mikrob edhe të tjerëve që rrinë me qytetarin në xhep dhe vijën e lexojnë këtu në Kuvend. Pse PD nuk është në tryezën e komisionit për të votuar draftin e miratuar nga Komisioni i Venencias? Sali në fakt kjo pyetje është retorike, mjafton të shohësh se çfarë ndodh në Gjykatë me atë malin e betonit që u dha leja nga kryetari në detyrë i partisë tënde për të kuptuar se pse ti i pari personalisht je krejtësisht i painteresuar që gjyqtarët dhe prokurorët në këtë vend të kalojnë në skanerin e vetingut”, tha Rama.
