Teknika e këtij filmimi me rezolucion shume të lartë është e përbërë nga një kombinim mes fotografive dhe pamjeve me standarde 4K.
Ky projekt ka filmuar shumë qytete në botë si Istanbul, Kaliforni, Budapest, New York, duke bërë pjesë të tij dhe kryeqytetin tonë, Tirana.
Ndërkohë që shijoni imazhet e Tiranës në një teknikë që nuk e keni parë kurrë më parë, shikoni çfarë ky grup që ka realizuar këto projekte shkruan për Tiranën.
“Shijojeni dhe ju lutem shpërndajeni
Ky qytet i bukur nuk është vetëm kryeqyteti i Shqipërisë prej 100 vitesh, por është gjithashtu qyteti më i madh i vendit. Të gjitha zhvillimet më të mëdha të vendit si ekonomia, politika dhe kultura kanë ndodhur këtu. Tirana ka një karakter shumë edukativ, shume shkolla publike dhe private, gjithashtu kolegje apo universitete.
Pothuajse 1/3 e gjithë popullsisë jeton në Tiranë dhe në rrethinat e saj. Pavarësisht çfarë ju vizitoni apo eksploroni në Tiranë, mirësia dhe dashamirësia e njerëzve të këtij vendi do të jetë ajo me të cilën do të përballeni. Çfarë kërkoni apo dëshironi më shumë nga një vend i huaj?
Si një qytet me shumë histori ka shumë vende që duhen vizituar. Me disa nga këto do të njiheni në video, si pamja nga mali i Dajtit ku ju merrni një pamje të mrekullueshme të gjithë qytetit si dhe të 4 liqeneve artificiale(atje mund të arrihet edhe me teleferik), sheshi Skënderbe me statujën dhe flamurin, xhamia Et’hem Bej, Muzeu Historik Kombëtar,Galeria Kombëtare e Arteve, Parku Rinia, Kisha Ortodokse apo ish-varri i Enver Hoxhës.”/Joq
