100 milionë euro për merkaton e verës, Marcello Lippi drejtor teknik dhe menaxher i skuadrës, si njeriu që do të ketë autonominë e plotë në vendimet e merkatos, Donadoni trajner, Barbara Berlusconi konfirmohet në rolin e administratores së deleguar me më shumë kompetenca në lidhje me marketingun dhe rritjen e rëndësisë së logos Milan në merkaton aziatike dhe arabe.
Galliani do të largohet bashkë me Brocchi. Sa më shumë kalojnë orët dhe ditët aq më shumë merr formë Milan i investitorëve kinezë dhe profilizohen skenarë të ndryshëm.
Për sa i përket merkatos, klubi ka të ngjarë të investojë 100 milionë euro në merkato dhe i vetmi i pashitshëm për Donnarumma, për të cilin mendohet një e ardhme e lavdishme, jo vetëm në fushën e lojës. Ai do të jetë imazhi i ri i klubit kuqezi, në momentin që Berlusconi do të dorëzojë çelësat, por jo vajza e tij, Barbara, e cila ka të ngjarë të mbetet drejtuese e sektorit të marketingut në klub. Ndërkohë Galliani ka bërë valixhet gati dhe kuqezinjtë i kanë përgatitur një lamtumirë historike drejtuesit veteran që prej 30 vitesh merret me merkaton e klubit. Objektivi i Milan të ri do të jetë rikthimi në Champions League.
