Organet gjenitale cilësohen pjesët më delikate të trupit, ndaj është e nevojshme t’i kushtoni vazhdimisht vëmendje këshillave shëndetësore për kontrollin e tyre.
Femrat janë më të ekspozuara dhe për këtë arsye duhet të njohin shenjat që tregojnë problemet me vaginën e tyre.
1. Thatësia apo iritimi i vaginës
Kjo dukuri mund të jetë tregues se diçka nuk është në rregull me vaginën tuaj, posaqërisht nëse jeni para menopauzës. Menopauza mund të krijojë këto simptome dhe mund të vjen deri tek qërimi i lëkurës në këtë pjesë, si dhe mund të shkaktojë dhimbje gjatë marrëdhënieve seksuale. Në këtë rast është më mirë të vizitoni mjekun sepse menopauza mund të maskojë simptomet që shkaktohen nga ndonjë sëmundje e fshehur.
2. Kundërmimi i pakëndshëm
Vagina e shëndetshme ka një aromë specifike, mirëpo si e caktoni sipas aromës nëse e keni vaginën të sëmurë?
Aroma që i ngjason asaj të peshkut, veçanërisht e përcjellë nga sekreti vaginal, është shenjë e vaginozës bakteriale e cila vjen si pasojë e shumimit të bakterieve dhe disbalancit të vlerës pH vaginale. Kjo është një gjendje e zakonshme e cila mund të kurohet me antibiotikë, ndërsa kundërmimi i pasuar me sekret të gjelbërt mund të jetë shenjë e një sëmundjeje seksualisht të transmetueshme si lloji i trihomonijazës.
3. Kruarje dhe sekret i pazakontë
Nëse ju paraqitet sekret i verdhë apo si djath i bardhë, është e mundur të keni infeksion fungal.
Arsyeja mund të jetë terapia antibakteriale, disbalansi i vlerës pH, të brendshmet e kualitetit të dobët, preparate agresive të pastrimit si dhe ushqimi i keq i pasur me sheqer. Fatmirësisht, kjo gjendje mund të shërohet shumë lehtë, pini shumë ujë dhe jogurt.
4. Ndjenja e djegies gjatë urinimit
Kjo dukuri mund të jetë shenjë e infeksionit të traktit urinar, mirëpo shkaktari mund të jetë edhe seksi. Zakonisht shërohet me antibiotikë mirëpo e keni patjetër që të vizitoni mjekun.
5. Pamundësia e vendosjes së tamponëve
Seksi i dhimbshëm zakonisht është një problem psikologjik, mirëpo në raste të rralla bëhet fjalë edhe për mbyllje të himenit. Bëhet fjalë për një çrregullim të lindur gjenital, i cili pamundëson depërtimin dhe shkakton dhembje ngaqë ka inde shtesë rreth hapjes vaginale.
6. Fluska të dhimbshme
Zakonisht bëhet fjalë për herpes, mirëpo me paraqitjen e kësaj dukurie duhet të vizitoni mjekun urgjentisht.
