Duke filluar nga leximi i lajmeve e deri tek kalimi i kohës duke luajtur lojëra, njerëzit e përdorin Facebook-un për arsye të ndryshme, mirëpo ata që e përdorin Facebook për të takuar njerëz të ri thuhet se janë më të varurit nga të gjithë, thotë një studim i ri.
Sa më shumë që njerëzit e përdorin rrjetin social Facebook për t’i përmbushur qëllimet e tyre, aq më të varur bëhen nga ai, ka thënë ky studim.Sidoqoftë, varësia e Facebookut – qoftë nëse është për lajme, lojëra, postime të ndryshme, apo njoftime me shokë të ri – nuk është domosdoshmërish e keqe pasi që nuk është ekuivalente me një varësi të vërtetë, shpjegojnë hulumtuesit e këtij studimi, raporton lajmi.net.
Për t’i identifikuar faktorët e varësisë, hulumtuesit i kanë studiuar 301 përdorues të Facebook-ut mes moshave 18 dhe 68 të cilët kanë postuar të paktën një herë në muaj.Ata kishin zbuluar se njerëzit që e shohin Facebook si një mundësi për ta kuptuar vetën më mirë,e përdorin këtë rrjet social për tu takuar me njerëz të ri dhe për të marrë vëmendje nga të tjerët,m. “Ata mund të postojnë se kanë shkuar në palestër. Ndoshta do të shpërndajnë ndonjë gjë të caktuar rreth një çështje politike apo të ndonjë sfide personale me të cilën janë duke u ballafaquar. Ata presin që shokët e Facebook t’i përkrahin ata dhe t’i bëjnë të ndihen më mirë”, ka thënë Amber Ferrist e cila ishte një ndër hulumtuesit e shumtë.
