Sa do të vazhdojë protesta këtë e ka në dorë populli. Kështu deklaroi kryedemokrati Lulzim Basha për gazetarët përpara Kryeministrisë. Sipas tij zgjidhja është që Rama të jap dorëheqjen Kryedemokrati tha asnjë prej protestuesëve nuk ka bërë akte dhune. “Policia të ruajë qetësinë ashtu dhe qytetarët”, theksoi Basha.
Dy aksionet e protestuesëve për të rrethuar Kryeministrinë kanë dështuar, pasi nga ana e efektivëve të Gardës së Republikës është përdorur gaz lotsjellës. Deri tani sipas të dhënave zyrtare nga Ministria e Shëndetësisë janë 2 efektivë të policisë të lënduar dhe 4 protestues. Këta të fundit kanë pasur probleme me frymëmarrjen për shkak të gazit.
Fillimisht turma çau rrethimin dhe sulmoi hyrjen kryesore të kryeministrisë, por u tërhoq për disa minuta, pas hedhjes së gazit lotsjellës. Por sapo kordoni policor u rivendos, turma u organizua sërish dhe këtë herë sulmoi nga hryja anësore, ku ëshët vendosur edhe instalacioni i kërpudhës.
Edhe këtë herë reagimi i policisë ishtë në të njëjtën formë, duke hedhur gaz lotsjellës, gjë që solli sprapsjen e përkohshme të turmës, që gjithsesi vijon të jetë e grumbulluar para kryeministrisë.
Pyetje: Protesta është organizuar nga ju, a keni një thirrje që ata të mos kryejnë akte dhune?
Basha: Qytetarët janë thirrur nga opozita me një qëllim të qartë politik. Qeveri tranzitore, zgjedhje të parakohshme, t’i japim fund qeverisë, që është kapur në vjedhje tek Unaza, tek Teatri, është kapur në vjedhje të votave, siç BIRN dhe Zëri i Amerikës që, në fakt, kanë meritat, por edhe ju si gazetare investigative (Klodiana Lala), demonstroni përmes fakteve të prokurorisë dhe sistemit të drejtësisë në çdo vend të Europës, kur qeveria kapet në vjedhje, ikën qeveria dhe shkon në burg hajdutët, nuk vuan populli.
Populli e ka kuptuar këtë dhe është bashkuar në një protestë më të madhen në këto 30 vite. Asnjë protestues nuk erdhi për të bërë akte dhune. Ju e dini fare mirë se si organizohen protestat e dhunshme. Asnjë prej protestuesve këtu nuk erdhi për të kryer akte dhune. Ato u provokuan dhe u nxitën nga një skenar i mirëmenduar i Edi Ramës dhe i ekzekutuar nga një grusht policësh të korruptuar dhe të lidhur me krimin. U bëj thirrje të gjithë efektivëve të policisë të ruajnë qetësinë sikundë, u bëj thirrje qytetarëve të vazhdojnë të rrinë të bashkuar për të drejtat e tyre.
