Ilir Memushaj vazhdon të mohojë lidhjen e tij me atentatin e Fierit, ku mbeti i vdekur Granit Kasa dhe u plagosën, Klement Kastrati dhe Elton Margariti. Por sipas grupit hetimor të ngritur nga Policia dhe Prokuroria e Fierit, është faktuar se, Memushaj ka qënë në vendin e ngjarjes dhe ka patur rol në organizimin e atentatit.
Burime nga Policia e Fierit konfirmojnë se natën e 8 Janarit, Ilir Memushaj ka qënë duke udhëtuar në autostradën Lushnje – Fier. Sipas të njëjtave burime, ai ngiste një automjet tip “Toyota”, i njëjti që u gjet i djegur 1 km larg vendit të ngjarjes. Hetuesit kanë kqyrura kamerat e sigurisë së disa biznesve në segmentin rrugor dhe në to shihet Ilir Memushaj.
Një tjetër provë që ai ka qënë dhe ka patur rol në atentat janë dëshmitë e dy të plagosurve, të cilat janë administruar nga oficerët. Në bazë të dëshmisë së Klement Kastratit dhe Elton Margaritit, ata kanë parë në autostradë, duke udhëtuar paralel me ta, Ilir Memushajn.
Ata kanë treguar në dëshminë e tyre se, pas këtij momenti, vetëm disa metra më tej u është bllokuar rruga nga një mjet tip “Toyota”. Në këtë kohë, kanë sqaruar të plagosurit, nga një automjet tjetër pas shpinës së tyre është qëlluar me breshëri kallashnikovi. Si pasojë, mbeti i vdekur Granit Kasa.
Një tjetër provë që Memushaj ka patur në përdorim makinën e djegur është dëshmia e personit që kishte e kishte marrë me qera atë, në Tiranë. Ai ka sqaruar se natën e atentatit, ia kishte dhënë makinën Ilir Memushajt.
Por pavarësisht këtyre verpimeve hetimore, Memushaj nuk ka pranuar akuzat e ngritura, duke mohuar përfshirjen e tij në këtë ngjarje. Deri në këto moment, thonë hetuesit, i arrestuari nuk ka pranuar të japë asnjë shpjegim tjetër, duke u shprehur se do flasë në një moment tjetër.
Tv Klan
