Një studim i fundit ka treguar se telefonat celularë të sotëm (smartphone) që kushtojnë qindra euro, nuk punojnë aq mirë sa telefonat e dekadës së kaluar. Ata ishin më kompakt, më funksionalë dhe më ekonomikë. Celularët e 10 viteve më parë kishin disa karakteristika superiore në krahasim me smartphone-t më të mirë të ditëve tona.
Si mund të harrohet Nokia 3310 dhe rezistenca e pafundme e baterisë së saj? Në epokën e 2G, sinjali ishte shumë më i fuqishëm se ai aktual 4G dhe kostot e produktit ishin më të lira. Këto janë të dhënat e një studimi të ‘Ofcom’, sipas të cilit pajiset e sotme celulare si Apple apo Samsung ofrojnë performancë më të dobët shërbimi se sa celularët e djeshëm.
Studimi ka arritur të vërtetojë përmes eksperimenteve të kontrolluara në laborator se, celularët ekonomikë me rrjetin 2G, ishin më të aftë për të kapur sinjalet e dobëta në krahasim me smartphone-t e sotëm. Këta të fundit kanë nevojë për një sinjal 10 herë më të fortë në krahasim me atë të kërkuar nga celularët e vjetër për të bërë të mundur realizmin e një thirrjeje.
