Marjan Rroku, përfundimisht nuk mund t’i shpëtojë dënimit me burg përjetë që ka dhënë Gjykata e Tiranës dhe më pas ajo e Apelit.
Në 16 korrik të vitit 2015 Gjykata e Lartë ka vendosur për mospranimin e kërkesës se tij për rishikimin e vendimit.
Në këtë formë u la në fuqi vendimi që e dënon Rrokun me burgim të përjtshëm për vrasjen e Mbarime dhe Alda Canajt, nënë e bijë, në vitin 2001.
40-vjeçari e ka bërë kërkesën menjëherë pas ekstradimit nga Shtetet e Bashkuara të Amerikës, në shkurt të vitit 2014.
Në 24 mars, me ndihmën e përfaqësuesve të tij ligjor, ish-punonjësi i Shërbimit Informativ Kombëtar i kërkon Gjykatës së Lartë rishikimi e vendimit, prishjen e tij dhe rigjykim nga e parë në Gjykatën e faktit.
Marjan Rroku pretendon se gjykata nuk ka dëgjuar versionin e tij për ngjarjen, pasi procesi hetimor dhe ai gjyqësor më pas janë zhvilluar pra praninë e tij.
Togat e zeza, pasi ka studiuar dosjen, kanë konstatuar se pretendimet e ngritura nga Rroku nuk qëndrojë dhe për këtë arsye kanë vendosur të mos e pranojnë kërkesën e tij, duke i dhënë formë të prerë vendimit të dënimit me burg përjetë.
Marjan Rroku u arrestua me 8 shtator të vitit 2010 në Kuins të Shteteve te Bashkuara të Amerikës, ku jetonte që pas vrasjes së dyfishtë të kryer në Tiranë, nën identitetin e rreme, Jeton Mirakaj.
Ai ishte martuar dhe kishte një femi kur u zbulua nga një marshall, i cili mbante kontakte me Ornela Canajn, motrën e Alda Canajt dhe që punoi 6 vjet për kapjen e tij./Tv Klan
