Ja pse Buffon është portieri më i mirë në historinë e Champions

Nuk është një “Top i Artë”, por i afrohet. Gigi Buffon është zgjedhur portieri më i mirë i historisë së Champions League. Kjo ka qenë zgjedhja e miliona personave që kanë votuar në profilin Twitter të UEFA-s, që i është dedikuar turneut më prestigjioz për klube në Europë. Gigi ka mundur në finale Oliver Kahn, duke marrë 59% të votave, pasi ka mundur më parë Neuer, Casillas, Lehman dhe Dudek.

Një vlerësim i rëndësishëm për portierin e Juventus, që në këtë sezon do të kërkojë të sigurojë të vetmin trofe që i ka shpëtuar nga duart në karrierën e tij: Champions League. Domethënë, për përdoruesit e Twitter, Buffon është portieri më i mirë i historisë së kupës me “veshët e mëdhenj”. Beteja me rivalët e tjerë në listë ka qenë e pabarabartë. Gigi, në fakt, ka mposhtur njëri pas tjetrit të gjithë numrat 1 të mëdhenj që ka hasur gjatë rrugës së tij.

Në profilin Twitter të Champions League është zhvilluar një lloj turneu me eliminim direkt mes portierëve më të mëdhenj të të gjitha kohërave. Në çerekfinale, Buffon ka mundur Casillas, Lehman dhe Dudek (39% të votave). Në gjysmëfinale i ka ardhur radha Neuer që të dorëzohet para portierit bardhezi (54% të votave). Në finale as Oliver Kahn nuk ka arritur t’i rezistojë Buffon-it, që ka siguruar titullin e portierit më të mirë të historisë së Champions-it. Një sinjal i bukur pak ditë para fillimit të sezonit 2016/17 të turneut.

Etiketa: Buffon