Një 26-vjeçar shqiptar ka mbetur i vrarë mbrëmjen e djeshme, pas një sherri në një lokal në Milano. Policia italiane bën të ditur se ai quhet Endri Mrishaj dhe ka humbur jetën pasi është qëlluar me armë zjarri.
Në momentin e ngjarjes Mrishaj bashkë me pronarin e lokalit po luanin me letra bixhozi të ulur në një tavolinë.
Në lokal ka hyrë një grup prej tre personash të cilët kanë debatuar me pronarin e lokalit pasi ky i fundit kërkoi që të mos shqetësoheshin klientët. Një prej tyre nën efektin e alkoolit ka nxjerr pistoletën dhe ka qëlluar të paktën gjashtë herë në drejtim të dy të rinjve.
Mrishaj ndërroi jetë në spital nga gjakderdhja, ndërsa pronari i lokali, një 30- vjeçar, i identiteti i të cilit nuk bëhet i ditur, ndodhet jashtë rrezikut për jetën.
26-vjeçari rezulton me precedent kriminal pasi është arrestuar bashkë me një grua në prill të këtij viti me 80 gramë kokainë.
