Kur flokët nisin të thinjen, “faji” është i një gjeni, i cili është identifikuar për herë të parë nga shkencëtarët. Studiuesit e Universitetit të Londrës kanë identifikuar gjenin Irf4, i cili së bashku me dhjetëra gjene të tjera hyn në veprim dhe përcakton formën, ngjyrën dhe shpeshtësinë e flokut.
Studimi ka arritur në përfundimin se thinja e flokëve nuk ka të bëjë me ambientin, por është tërësisht gjenetike. Ky përfundim është arritur pas analizimit të ADN’së së 6000 individëve latino-amerikanë, evropianë, afrikanë dhe amerikanë të lindur.
Ky zbulim është arritur falë shumëllojshmërisë së ADN’së së analizuar, çka u hap rrugën disa përdorimeve si në mjekësinë ligjore (rindërtimi i profilit të një individi mbi bazën e këtyre gjeneve) apo edhe përdorimit për qëllime kozmetike.
