Gjykata e Tiranës ka dënuar me nga një vit burg një mësuese dhe mbesën e saj 22 vjeçare, pasi janë kapur nga kamerat e sigurisë duke vjedhur parfume e kremra në një supermarket në kryeqytet.
30 vjeçarja me iniciale A.M dhe mbesa e saj 22 vjeç me iniciale F.P jane arrestuar në flagrancë më 20 janar të këtij viti teksa në një supermarket në Tiranë kanë vjedhur parfume, kremra, pastë dhëmbësh dhe ushqime si djathë kaçkavall e sallam.
Në cilësinë e të pandehurave para gjykatës, mësuesja dhe mbesa e saj janë shprehur se kanë harruar të kalojnë produktet në kasë dhe nuk kanë pasur si qëllim vjedhjen.
