Ja makina qe Hitleri i dhuroi Zogut! Kushton 1 milion euro.

Ai mori shume dhurata per martese, por kryedhurata mund te kosiderohej ajo e bere nga kancelari Hitler, një Mercedez sportiv kabriole të kuq. Makina mberriti ne Shqiperi me toke, duke ardhur nga Shkodra. Per prodhimin e saj u deshen thuajse 6 muaj dhe ajo ishte kryevepra inxhinierike e kohes dhe maksimumi i luksit qe njihej. Sipas “Corriere della sera” ekzistonte vetëm një ekzemplar tjetër i këtij modeli, ai i Hitlerit. Në fakt, gazeta italiane gabonte. Mercedez – Benzi që i ishte dorëzuar Mbretit Zog, më 19 prill të 1938-ës, ishte model 540K kabriolet, i njëjtë me atë që Hitleri i kishte dhuruar po atë vit për martesën, Mbretit Faruk të Egjiptit dhe liderit sovjetik, Stalinit, me rastin e 60 vjetorit të lindjes. Makina ishte e kuqe, me veshjen e brendshme bezhë, me stemën mbretërore të stampuar në të dy dyert. Pas pushtimit të Shqipërisë nga Italia Zogu e mori atë me vete në Britani. Ajo figuron e regjistruar në Londër me targën ENX 957, por Mbreti doli me të vetëm një herë. Në vitin 1944 nën shtytjen e Geraldinës, ai ia dhuroi makinën Kryqit të Kuq Britanik dhe ky i fundit, ia shiti një personi privat në vitin 1946. Për herë të fundit figuron pronë e një koleksionisti makinash, që në vitin 1987 e vendosi në një muzeum në Ilinois për 3 vjet. Më pas, u shënua se e mori i zoti dhe nuk dihet se ku gjendet më. Besohet se ajo eshte pjese e koleksionit privat te stilistit te njohur Ralph Lauren, por deri me tani ky i fundit as e kampohuar dhe as e ka mohuar kete gje. Simotra e saj identike, makina e Mbretit Faruk, u shit në vitin 2006 në një ankand në Monte Carlo për shumën 921 mijë Euro! Makina ne foto eshte ajo e Farukut, identike me ate te Zogut. Diferenca e vetme eshte se e Zogut kishte nje te kuqe me te paster.