Pas finales të Kupës së Amerikës, Argjentina mund të mbetet pa disa yje.
Pas Lionel Messit, i cili tashmë ka paralajmëruar largimin, nga ekipi argjentinas pritet të largohen edhe disa yje të tjerë.
Këtë e ka konfirmuar sulmuesi i Manchester Cityt, Sergio Aguero pas humbjes në finale nga Kili.
“Unë dhe disa lojtarë të tjerë jemi duke menduar të pensionohemi nga ekipi Kombëtar. Kjo humbje ka qenë më e dhimbshme sesa humbja në Kupën e Botës në Brazil”, ka deklaruar ai.
Kurse, sipas mediave në Amerikën e Jugut nga Argjetina pritet të pensionohen edhe Javier Mascherano, Lucas Biglia, Ever Banega, Ezequiel Lavezzi dhe Angel Di Maria. /Express/
