Në një studim të publikuar nga “Schizophrenia Research” në shumicën e rasteve të studiuara, macet kanë qenë pjesë e familjeve ku më vonë janë diagnostikuar fëmijë me probleme mendore si skizofrenia.
Analiza e të dhënave të sëmurëve me skizofreni ka nxjerrë se të paktën 50.6 e tyre kishin pasur një mace në shtëpi gjatë fëmijërisë. Rezultatet e këtij studimi nuk janë të papritura për studiuesit e sëmundjeve mendore, pasi një hipotezë e tillë është ngritur që në vitin 1990, shkruan Shekulli.
Studiuesit “fajësojnë” parazitin njëqelizor Toxoplasma gondii, i cili gjendet te disa mace. Ata thonë se ky parazit futet në trurin e njerëzve, ku shkakton ciste mikroskopike. Në adoleshencën e vonë, ai aktivizohet, duke bërë që të shfaqen edhe shenjat e para të sëmundjes mendore.
