Edhe pse operatorët turistik ankohen gjithnjë për rënie të turistëve, shifrat nuk tregojnë kështu. 10 hotele, që për nga xhiroja renditen “on the top” kanë bërë xhiro në 6 muajt e parë të vitit plot 1.9 miliardë lekë. Ky bilanc u përket muajve Janar-Qershor 2016, pra nuk janë përfshirë muajt e pikut të sezonit gusht-shtator, pasi të dhënat përpunohen në fund të 6-mujorit.
Televizioni ekonomik “Scan” që publikoi të dhënat për renditjen e hoteleve raporton se “në vend të parë me xhiron më të lartë renditet subjekti “Neë Xixa” me nje xhiro prej 789.2 milionë lekesh/6 muaj.
Kompleksi turistik “Xixa” gjendet në qytetin bregdetar të Durrësit. Ndërkaq në vend të dytë është “Mak Albania” me 356.7 milionë lekë tek Shkëmbi i Kavajës, pra në njëjtin rajon.
Dhe në vend të tretë është subjekti “Golden Eagle” me një xhiro prej 278.9 milionë lekë. Ky subjekt ka në pronësi hotel Rogner në Tiranë.
Renditja vijon, me resortin “Stela” në autostradën Tiranë-Durrës.
Më tej janë: “Sky hotel”, “Xheko shpk”, “Hanxhari”, “Harmonia HG”, “Mondial shpk” dhe në vendin e 10 subjekti “Preval” me nje xhiro prej 50 milionë lekë.
