Stefano Giacomelli, 59 vjeçari italian që u arrestua në Durrës, rezulton i shpallur në kërkim në Itali për mashtrim me shuma të mëdha financiare.
Sipas të dhënave të siguruara nga policia e shtetit italian kishte rreth një vit që jetonte me qera në një apartament në Lagjen nr .13 në Durrës .
Para pak ditësh për të jetuar me të në Shqipëri kishte mbërritur dhe bashkëshortja, bashkë me fëmijët.
Zyrtarisht mësohet se për italianin nga ana e Drejtorisë për Krimin e Ekonomik e Finaciar ka nisur hetimi pasurori i 59-vjeçarit në Shqipëri, hetim ky që është shtrirë në dy fusha atë të blerjes së pasurive të paluajtshme dhe investimi në biznese të fushës së gastronomisë, në qytetin e Durrësit, Kavajës dhe Tiranës.
Për Stefano Giacomelli, Gjykata e Torinos në Itali me datë 27 nëntor 2014, ka lëshuar urdhërin e arrestit për “Krime Financiare” në bashkëpunim, vepër për të cilën parashikohet dënimi deri në10 vjet burg. /Tv Klan
