Ka qenë në Shqipëri vetëm një herë, në okazionin e vlerësimit të babait të saj me çmimin “Honoris Causa”, por duket se ka qenë mjaftueshëm për tu afeksionuar Shqipërinë, e veçanërisht me jugun e saj. Për më tepër, edhe për vetë faktin se babai i saj ka drejtuar Kombëtaren Kuqezi drejt kualifikimit për në Kampionatin Europian, është tërësisht e shpjegueshme lidhja e saj speciale me Shqipërinë. Është pikërisht, Chiara Sofia De Biasi, vajza e trajnerit të Përfaqësueses së Shqipërisë, Gianni De Biasi, ajo që nëpërmjet një interviste të publikuar në portalin e vetë teknikut Kuqezi, ka deklaruar se bën tifo për Shqipërinë në Europian.
“Nuk është se jam besnike e një ekipi. Bëj gjithmonë tifo për skuadrat dhe ekipet që drejton babai. Akutalisht ndjek nga televizioni të gjtiha ndeshjet që drejton babai dhe bëj shumë tifo, bashkë me mamanë dhe miq të tjerë. Mendoj se babai bashkë me futbollistët kanë realizuar një ëndërr të madhe nëpërmjet kualifikimit për në Europian. Tashmë do të kërkojë të bëjë maksimumin bashkë me futbollistët e tij. I bëj urimet e mia! Fatkeqësisht, për shkak të provimeve që kam në degën e mjekësisë, nuk mund të udhëtojë drejt Francës, për të ndjekur ndeshjet nga stadiumi, por do të bëj tifo nga televizioni. Uroj që kjo gjë të sjellë fat. Do të bëj tifo vetëm për Shqipërinë, ndonëse do të simpatizoj edhe Italinë, meqenëse janë në dy grupe të ndryshme. Forca Shqipëria!”, deklaroi ndër të tjera, vajza e trajnerit Gianni De Biasi, në një intervistë të publikuar në portalin e këtij të fundit.
