Gjatë gjykimit të tij në mungesë në maj të vitit 2002, nga arratia, Marjan Rroku dërgoi një letër që me kërkesën e tij u publikua në mediat e asaj e kohe, por që nuk u mor parasysh nga gjykata, që dha vendimin për burgim të përjetshëm.
Në këtë letër, Marian Rroku pranon që ka patur një raport me viktimën Alda Canaj, që e ka dashur atë dhe se e ka kryer krimin për arsye xhelozie.
Në rrefimin e tij tek “E diela shqiptare”, Rroku e mohon këtë raport. A gënjeu Marjan Rroku, kur tha që nuk kishte asnjë lidhje me Aldën, por interesohej për një vajzë tjetër?
Marjan Rroku pohon se ndjehej i kërcënuar nga familja e vajzës, të cilët i kërkonin të largohej nga Tirana dhe nga SHIK, sepse sipas tij, ata mendonin që vajzës i njollosej emri nga kjo histori.
Por ndërkohë, në vendimin e gjykatës së shkallës së parë, bëhet me dije, se familja e vajzës ka disa denoncime kundër Marjan Rrokut, për presion dhunë ndaj familjes Canaj.
Në rrëfimin e tij, Marjan Rroku pohon se me babin e vajzës që vrau ishte takuar si mik , ndërsa në vendimin e gjykatës, dëshmitarët flasin për dhunë e grushte të Marjan Rrokut edhe ndaj babait të Aldës.
A gënjeu Marjan Rroku, përse?
