Pasi kanë mundur Borussia Dortmund në atë çerekfinale fantastike, shumë sportdashës janë duke parashikuar se Liverpool do të jetë finalist në Europa League. Por a do të jetë kaq e lehtë? Mos vallë Villarreal do të është thjeshtë viktima e radhës për anglezët, siç pretendojnë shumë njerëz? Duke parë kualitetet e ekipit spanjoll, nuk duhet të jeni aq të sigurt. Megjithëse vijnë nga një qytezë e cila ka 500 banorë më shumë se kapaciteti i “Anfield”, dhe kanë një buxhet relativisht të vogël, ekipi i njohur si “Nëndetësja e Verdhë” kanë një kapacitet të madh në fushë. Liverpool nuk duhet t’i nënvlerësojë në asnjë moment, ja dhe arsyet pse:
Cedric Bakambu është në një super formë
Kongolezi 25-vjeçar nuk është aq i panjohur. Nuhatja që ka para portë e ka çuar Villarreal aty ku është sot, por ai nuk ka qenë gjithmonë në formë të mirë. Ai e filloi sezonin shumë mirë, me gjashtë gola në nëntë ndeshjet e para, por më pas forma e tij pësoi një rënie të gjatë. Nga nëntori i 2015 deri në shkurt të 2016 sulmuesi shënoi vetëm gjashtë gola në 27 ndeshje të luajtura. Sezoni i tij dukej se nuk do të përmirësohej por fatkeqësisht për Liverpool, 1/8 e Europa League e rikthyen formën e mirë të sulmuesit. Me 10 gola në 11 ndeshjet e fundit ai po jep një ndihmesë të madhe për ekipin e tij.
Villarreal është specialist për ndeshjet e mëdha
Villarreal kanë përballuar kundërshtarë shumë më të mëdhenj gjatë këtij sezoni në “El Madrigal”. Stadiumi i vockël me një kapacitet 25,000 spektatorë, është një vend i vogël por i rehatshëm. Fatkeqësisht për Liverpool në këtë stadium kanë rënë edhe ekipet më të mira në botë. Kampionët në fuqi të Europa League u mundën 2:1 gjatë tetorit të kaluar. Napoli, i cili është në vendin e dytë të Seria A, humbi me rezultatin 1:0 teksa Leverkusen humbi 2:0 raundin tjetër. Real Madrid u mund 1:0 në “Madrigal”. Barcelona ishte duke kryesuar 2:0 deri në minutën e 70-të, por ndeshja përfundoi 2:2. Pra ndeshja e parë në Spanjë ka për të qenë shumë e vështirë për anglezët.
Villarreal kanë përballuar kundërshtarë shumë më të mëdhenj gjatë këtij sezoni në “El Madrigal”. Stadiumi i vockël me një kapacitet 25,000 spektatorë, është një vend i vogël por i rehatshëm. Fatkeqësisht për Liverpool në këtë stadium kanë rënë edhe ekipet më të mira në botë. Kampionët në fuqi të Europa League u mundën 2:1 gjatë tetorit të kaluar. Napoli, i cili është në vendin e dytë të Seria A, humbi me rezultatin 1:0 teksa Leverkusen humbi 2:0 raundin tjetër. Real Madrid u mund 1:0 në “Madrigal”. Barcelona ishte duke kryesuar 2:0 deri në minutën e 70-të, por ndeshja përfundoi 2:2. Pra ndeshja e parë në Spanjë ka për të qenë shumë e vështirë për anglezët.
Europa League është prioriteti i tyre
Teksa shumica e ekipeve që ndodhen në gjysmëfinale kanë mundësinë të luftojnë në dy fronte, Villarreal nuk e ka këtë luks. Skuadra e tyre nuk ka rezerva me kualitet. Villarreal duhet të vendosë prioritete, dhe Marcelino është shprehur qartë se Europa League është prioriteti i tij. Sa herë që Villarreal ka përdorur rotacionin për të ruajtur lojtarët për ndeshjet e mëparshme të Europa League dhe shumicën e rasteve kanë humbur, ose paraqitjet e tyre nuk kanë qenë në lartësinë e duhur.
Mbrojtja është pika më e fortë
Mbase problemi më i madh që do të ketë Liverpool kundër Villarreal është se do ta kenë shumë vështirë t’i shënojnë gol. Në ndeshjet e përmendura më parë në “El Madriga” spanjollët kanë pësuar vetëm tre gola, dhe dy nga të cilat i kanë pësuar ndaj ekipeve më të mira në botë. Në Europa League ata kanë pësuar vetëm 10 gola në 12 ndeshje. Villarreal është një ekip tepër kompakt në mbrojtje. Ata ja bëjnë shumë të vështirë kundërshtarëve për të kryer aksione me pasime të shpejta. Sulmuesit e Liverpool duhet të lodhen shumë për të gjetur hapësira.
