Atentati ndaj punonjësit të Ministrisë së Brendshme Viljon Cakollari dyshohet se ka lidhje me një ngjarje të ndodhur në vitin 1998.
Kjo pasi vëllai i tij, Laurent Cakollari është dëniuar për vrasjen e Adriatik Banos në vitin 1998 pranë pallatiti të sportit “Asllan Rusi” në kryeqytet.
Për këtë ai është i dënuar me 23 vjet burg dhe aktualisht ndodhet në burg, i ekstraduar në vitin 2011 në Shqipëri nga Anglia.
Ndaj tij ka pasur dhe një atentat në Londër, ku në vitin 2009 u qëllua ndaj tij dhe një personi tjetër. Cakollari në Shqipëri njihej si anëtarë i një bande në Selitë.
Ekstradimi erdhi pas një sërë refuzimesh, nisur nga fakti se kishte deklaruar se nëse kthehej në Shqipëri rrezikonte të vritej për shkak të hakmarrjes nga familja Bano.
Nga vendimi i zbardhur I gjykatës mësohet se Laurent Cakollari I kishte marrë një makinë tip “Pegeout” viktimës Adriatik Bano që ndodhej në burg në Perugia të Italisë bashkë me një sasi parash. Ai makinën ua kishte shitur në Tiranë personave të tjerë.
Pasi ka dalë nga burgu Bano ka ardhur në Shqipëri ku ka takuar Cakollarin të cilit I ka kërkuar llogari për shitjen e makinës dhe për lekët. Cakollari I ka premtuar kthimin e 56 milion lekëve brenda një muaji.
Por për të mos i kthyer paratë Laurent Cakollari I ka kryer një atentat vdekjeprurës Adriatik Banos pranë shtëpisë së tij pranë pallatiti të sporiti “Asllan Rusi.”
Në kohën qe viktima po afrohej tek porta e shtëpisë është qëlluar me breshëri automatiku dhe ka ngelur i shtrirë në tokë.
Gjykata vlerësoi se autori i ngjarjes ishte Laurant Cakollari dhe një person tjetër. Sipas saj gjatë largimit atij i ka rënë nga dora arma e cila është gjetur në vendin e ngjarjes. /Tv Klan
