Njerëzit shpesh i ngatërrojnë edhe vetë emocionet e tyre. Ata nuk janë në gjendje t’i lexojnë siç duhet dhe shpesh u vënë emrin e gabuar. Ata gjithashtu i lexojnë gabim edhe emocionet e të tjerëve
Eksperienca emocionale e një personi zakonisht rezulton në një interpretim subjektiv të një ngjarjeje në vend të asaj që ka ndodhur realisht. Për këtë arsye, besimet e përfshira mund të mos jenë të sakta. Neuroshkencëtari Damasio shkruan se ndjenjat janë një eksperiencë trupore e provokuar nga një përgjigje emocionale
Ja çfarë nuk dini realisht rreth emocioneve:
Nuk mund t’i ndryshoni ndjenjat
Emocionet janë forma të gjykimit. Eksperienca emocionale e një personi zakonisht rezulton në një interpretim subjektiv të një ngjarjeje në vend të asaj që ka ndodhur realisht. Për këtë arsye, besimet e përfshira mund të mos jenë të sakta. Njerëzit një ngjarje mund ta interpretojnë në forma të ndryshme. Për shembull, kur dikush mban zi për vdekjen e një personi, ai gjykon për rëndësinë e këtij njeriu në jetën e tij. Ku nuk ka një lloj lidhjeje me subjektin nuk provohet asnjë emocion. Duke e kuptuar më mirë se çfarë ndodh me ndjenjat, ne mund të arrijmë t’i përmbajmë apo ndryshojmë.
Emocionet nuk shprehen me fjalë
Është e vërtetë që gjuha nuk është zhvilluar nga eksperiencat tona të brendshme, por kjo nuk do të thotë se emocionet janë aq të thella sa të mos arrihet të përshkruhen. Emocionet mund të përkthehen në fjalë dhe të analizohen me detaje. Prindërit dhe mësuesit shpesh u kërkojnë fëmijëve të përdorin fjalët për të shprehur mërzinë apo lumturinë.
Emocionet janë ndjenja
Neuroshkencëtari Damasio shkruan se ndjenjat janë një eksperiencë trupore e provokuar nga një nxitje emocionale. Ndjenjat kërkojnë një lloj elementi të ndërgjegjes. Me fjalë të tjera, ato regjistrohen në ndërgjegje dhe nuk janë edhe aq intelektuale (si për shembull mendimi).
“Metafora hidraulike”
Siç sugjeron dhe emri, nëse emocioneve u mohohet shprehja, ato do të rrjedhin gjetkë. Dhe ne duhet t’i shprehim emocionet në mënyrë që të ndihemi më mirë. Kjo është arsyeja përse shumë njerëz ndjekin terapi për të shprehur emocionet e tyre, në mënyrë që të mos krijohet një akumulim mbytës.
