Edhe pse nuk e deklaroi kurrë publikisht, lajmet për shtatzëninë e më të voglës së klanit Kardashian-Jenner nuk munguan. Prej muajsh mediat kanë arritur të mbledhin copëza informacioni mbi shtatzëninë e saj, të cilat asnjë nga familja nuk i konfirmoi kurrë.
Megjithatë së fundmi po qarkullon një foto e plotë e Kylie ku duket qartë barku i saj i rritur. Fotoja ishte një ekskluzive e TMZ. Në të dukej Kylie e shoqëruar me miken e saj të ngushtë Jordyn dhe mamanë Kris Jenner në një shesh ndërtimi.
Hera e fundit që Kylie ka postuar një foto të saj në Instagram ishte në muajin shtator. Më pas mendohet se barku i është rritur së tepërmi dhe kjo e bënte të pamundur ekspozimin e trupit. Shtatzënia e Kylie është një nga misteret më të mëdhaja të familjes Kardashian. Është thënë se ajo mund të ishte nëna surrogate që kanë zgjedhur Kim dhe Kanye për fëmijën e tyre të tretë, por lajmi për ardhjen në jetë të vajzës Chicago e hodhi poshtë këtë teori. Të tjerë thonë se Khloe Kardashian po mashtron për shtatzëninë e saj dhe do të marrë fëmijën e Kylie kur të lindi; e kjo është arsyeja pse Kylie e mban të fshehtë shtatzëninë.
Megjithatë, disa burime pranë familjes thonë se Kylie është në pritje të një vajze dhe babai është i dashuri i saj Travis Scott. Vajza pritet të vijë në jetë në muajin mars./Opinion.al
