Pas humbjes me Francën në gjysmëfinalen e Euro 2016, trajneri Loë njoftoi se do t’i duhej pak kohë për të menduar rreth së ardhmes së tij me Kombëtaren, por Grindel mendon se 56 vjeçari do të mbetet edhe më tej në krye të Kampionëve të Botës.
“Pas ndeshjes kundër Francës, unë falënderova lojtarët, stafin e trajnerëve dhe fansat për përkrahjen e mahnitshme në Euro 2016”, ka thënë shefi i DFB-së.
“Duhej të luftonim me disa lëndime para dhe gjatë kësaj gare, por përkundër këtyre problemeve ata treguan lojë të mirë taktike. Kjo krejt varej nga trajneri ynë”, ka shtuar ai.
“Unë personalisht jam shumë i lumtur me të dhe të gjithë në DFB, nëse Jogi Loë na bashkohet për të mbrojtur titullin në Rusia 2018. Jam i bindur se kjo do të ndodhë”, përfundoi Presidenti i Federatës së Futbollit të Gjermanisë.
