Jeta private dhe lidhjet e dashurisë së aktores indiane Sara Khan, e njohur për rolin e saj në serialin “Bidaai”, është vënë shpesh në qendër të mediave rozë.
Që nga lidhja dhe divorci më pas me ish-bashkëshortin, Ali Merchantt, ish të dashurin Paras Chhabra, thashethemet për një lidhje të mundshme me Alekun, personazhin me të cilin ajo luan në serial e deri tek lidhja e fshehtë me biznesmenin Rishabh Tandon.
Sipas indiatimes.com, duket se Sara ka pasur probleme me lidhjen e saj të fundit, madje flitet edhe se lidhja mes saj dhe Rishabh Tandon ka përfunduar. Pak kohë më parë, u përhap me shpejtësi lajmi se Sara dhe Tandon do të martoheshin, por aktorja 26-vjeçare e mohoi lajmin se në planet e saj kishte një martesë.
Më tej, po me aq shpejtësi u përhap edhe lajmi se Sadna kishte një lidhje me Angad Hasija-n, aktorin që luan Alekun në serialin “Bidaai”, por edhe këto thashetheme do të binin poshtë shpejt, kur Aleku deklaroi publikisht se ishte shumë i lumtur nga martesa e tij, nga e cila ka edhe një djalë, ndërsa Sadna për të dhe bashkëshorten e tij është një mikeshë mjaft e mirë, transmeton revistaclass.
Jo të pakta qenë më vonë thashethemet për Sadna-n, kur u aludua se kishte një lidhje me producentin e filmit e më vonë edhe për lidhjen e saj të fshehtë me biznesmenin Rishabh Tandon, me të cilin së fundi thuhet se është ndarë. Sipas raporteve në media, Sara dhe Rishabh duket se kanë probleme në marrëdhënien e tyre për shkak të jetës në distancë. Aktorja jeton në Mumbai, ndërsa i dashuri i saj në Delhi. Megjithatë, sipas indiatimes.com, aktorja ka mohuar thashethemet e fundit dhe i ka konsideruar ato të pabaza.
Të shumtë janë emrat që janë quajtur “të dashur” të Sadnës dhe arsyet janë disa. Një ndër më kryesoret – fotot e aktores në rrjetet sociale, në të cilat ajo vazhdimisht shfaqet me meshkuj të ndryshëm, aktorë, kolegë, producentë të filmave dhe serialeve, por edhe miq të afërt. Sapo Sadna poston foto pa dhënë detaje cili është mashkulli që e shoqëron, menjëherë dalin lajmet që diçka misterioze ka mes çiftit. Kjo, ndoshta, ka qenë edhe arsyeja pse bukuroshja imcake e ekranit indian e ka mbajtur të fshehtë lidhjen e saj të fundit.
