TIRANË- Gjithçka po shkonte shumë mirë derisa Rama u pyet nëse do të kërkojë falje për deputetët e kriminelë që ka futur në parlament. Ai ka mbajtur një fjalë të gjatë (2:30) në atë që quhet konferenca e fundvitit ku bëri paraqitjen e punëve të qeverisë dhe iu përgjigj shtruar gazetarëve. Por nga fundi ai e humbi qetësinë dhe ishte pikërisht ligji për dekriminalizimin që e acaroi Kryeministrin.
Zoti Rama nëse vertet ka 19 deputetë të inkriminuar siç pretendon opozita a do të kërkoni falje?
– Zonjushë, nuk ka ‘nëse’, – u përgjigj Rama.
– Zoti Rama, përderisa duartrokisni, e keni po kaq të lehtë të përgjigjeni.
– “Përgjigjen time e thashë. Nuk ka përgjigje me nëse…”
Ndersa i pyetur sërish nga gazetarja e Ora News nëse vazhdon ta cilësojë sërish median kënetë, ai tha:
“Në botën mediatike shqiptare ka boll këneta, nuk i kam futur të gjithë. Ndryshe si shpjegohet sasia kaq e madhe e llumit dhe shpifjeve që burojnë nga këto këneta. Gjithsekush është i lirë në këtë vend të bëjë një kënetë, të zhytet e të bëjë bretkosën. Por mos më thoni që bretkosa është soprano”, tha Rama.
