Deputetja e Partisë Demokratike, Grida Duma, ka sqaruar edhe një herë rrjedhjen e votave të PD për zgjedhjen e Gramoz Ruçit, kryetar Kuvendi. E ftuar në emisionin “Kjo Javë” në News24, Duma këmbënguli se ishte manipulim për aq kohë sa mund të quhet tradhëti apo rrjedhje.
“Nuk besoj që në termin manipulim nuk është e përfshirjë rrjedhja apo blerja e votës. Manipulim mbetet. Besoj që vetë termi e thotë, një grupim politik ka qëndrimin e vet dhe për sa kohë qëndrimi është deklaruar kundër, kur rezultati matematikor del ndryshe, atëherë është manipulim. Por nuk duhet dalë në gjykime të menjëhershme, nëse ka qenë rrjedhje, tradhëti apo diçka tjetër. Kur flasim për blerje është akt i ndërshkueshëm. Është me përgjegjësi politike. Grupi i PD e tha që një ditë më vonë që nëse ka blerje, duhet bërë ndëshkim,” tha Duma.
Po ashtu e pyetur nga gazetarja Nisida Tufa lidhur me kritikat e ish kryeministri Berisha për këshilltarët e zgjedhur nga Basha, qe sipas tij ishin mizerabël, Grida Duma tha se nuk mund të komentojë mbi asnjërin prej kolegëve, anëtarëve apo kontribuuesve të Partisë Demokratike.“Askush nuk e kthen këtë cështje dmth s’duhet t’i japim një vlerësim të natyrës së gjyqit
po është një qartësim nga qendrimi i zotit Berisha të cilën as e komentoj e as e kam komentuar në asnjë rast tjetër. Vlen të thuhet që për mua debati i brendshëm duhet të mbetet i brendshëm dhe nëse do ishte vlerësuar që debati i brendshëm të jetë i hapur, le të jetë i hapur”.
Duma gjithashtu komentoi edhe marrëdhënien me ish-kryeministrin Sali Berisha. “Si me këdo, si me të gjithë kolegët. Kam komunikim, është normale kjo gjë,” tha ajo. /Opinion.al
