Prokuroria për Krimet e Rënda përfundon hetimet dhe dërgon në gjyq ish-prokurorin e Fierit, Petrit Vukaj. Ai akuzohet për korrupsion pasiv. Në këmbim të 300 mijë lekëve të reja Vukaj kishte marrë përsipër zbutjen e masës së dënimit për shtetasin Elton Xhemali, i akuzuar për aksident me pasojë vdekjen e ish- shefit të Rendit në policinë e Delvinës, Përparim Bizhga.
Nga hetimi është faktuar se shtetasi Elton Xhemali, nëpërmjet vëllait të tij, Arjan Xhemali dhe oficerit të Policisë së Shtetit, Gazmir Nelollari, kanë ndikuar tek Prokurori, që autori i aksidentit të mos dënohej me burg. Shtetasit e mësipërm do të gjykohet për akuzën e korrupsionit aktiv.
Pas kësaj ndërhyrje, Prokurori Vukaj, në seancën e datës 7 tetor 2015 në gjykatën e Fierit, kërkon dënimin me 2 vjet burgim për Elton Xhemalin, pezullimin e dënimit dhe kalimin e tij në shërbim prove. Kërkesa e prokurorit nuk është pranuar nga gjykata, e cila dënoi të pandehurin me 18 muaj burgim.
Këtë të mërkurë prokurori tjetër i arrestuar për korrupsion Haxhi Giu, kërkoi ndryshim të masës së sigurisë në Gjykatën e Krimeve të Rënda. Avokati i Giut ka argumetuar para togave të zeza se avokati i tij është në gjendje të rëndë shëndetësore në spitalin e burgut.
Gjykata ka vendosur një grup ekspertësh që të përcaktojnë gjendjen shëndetësore të Prokurorit Giu dhe ne seancë tjetër do të merret vendimi.
Tv Klan
