TIRANE- Sekretari amerikan i Shtetit, John Kerry foli qartë për qëllimin e vizitës në Shqipëri. Ai tha se Shqipëria është përkrah SHBA-ve në të gjitha misionet e saj. Ai vuri theksin tek reformat në vend, dhe permendi dy herë emrin e Obamës.
Opinion.al ka zbardhur të plotë fjalën e John Kerry në konferencën e përbashkët për shtyp me Kryeministrin Rama në selinë e Qeverisë
John Kery: Mirëmëngjes të gjithëve dhe faleminderit shumë Z.Kryeministër. Është vërtet kënaqësi shumë e veçantë që jam sot këtu. Kam admiruar udhëheqjen tuaj. E vlerësoj krijueshmërinë tuaj dhe jam vlerësues për të gjithë mikpritjen e ngrohtë dhe në Shqipëri.
Ju jam mirënjohës që keni marrë kohe të ndani me ne mendimet që keni përshkruar në fjalimin tuaj të hollësishëm.
Presidenti Obama dhe unë, ju jemi mirënjohës për udhëheqjen që ofroni dhe përpjekjen e ekipit tuaj që jo vetëm të kujdeseni për Shqipërinë, po që të rrokni një set të gjërë vlerash që na përckatojnë të gjithë Ne.
Kjo besoj është rrënja e një miqësie të madhe që ndajmë bashkë. Ndodhem këtu sepse jemi miq, jemi aletaë dhe kemi interesa të mëdha, të përbashkëta. Kemi përshkruar një rrugë të vecantë në marrëdhënëiet tona diplomatike. Pas një muaji përkujtojmë 25 vjetorin e marrëdhënieve tona diplomatike.
Sikurse ambasadori Lu më ka treguar, marrëdhëniet tona janë shumë të ngrohta. Mendoj se Kryeminstri ka hapur mundësi që Shqipëria dhe SHBA të punojnë më ngushtësisht me njëra-tjetrën. Shqipëria i ka kuptuar këto sfida dhe udhëheqësi juaj ka qënë shumë mundësues në luftën kundër ekstremizmit të dhunshëm.
Sapo jam kthyer nga Mynihu ku fokusi ka qënë Lindja e Mesme dhe përpjekja për të mposhtur terrorizmin. Ka patur shumë diskutimin për ndikimin e kësaj lufte edhe në emigracion.
Mposhtja do të kërkojë një koalicion të gjerë dhe ne e kemi ndërtuar këtë. Shqipëria është anëtare themeluese e këtij koalicioni. Ka qënë e gatshme që në fillim, po qëndron bashkë me ne në Irak dhe Afganistan, në luftën afatgjatë për tu theksuar njerëzve rëndësinë e tolerancës, që të mund të ndërtojmë shoqëri dhe komunitete të shëndetshme. Shqipëria nuk është thjesht një mike, një vend që e ka treguar në kaq shumë mënyra dashurinë e saj për SHBA, por Shqipëria është gjithashtu vend anëtare e NATO-s.
Gjatë takimit të sotëm, Kryeministri dhe unë patëm mundësinë të flisnim për përparimin domethënës të Shqipërisë, në mënyrë që të marrë përgjegjësitë e plota në aleancë dhe miqësi. Si dhe për të bërë gjëra që ajo dëshiron të bëjë, në mënyrë që të integrohet në institucionet e mëdha atlantike.
Prova është e qartë, Shqipëria është duke lëvizur në rrugën e duhur. Jam i bindur se në ndryshimin që është përqafuar, ndryshimet në legjislacion, jam i bindur që reformat kanë marrë udhë. Më ka bërë përshtypje miratimi i legjislacionit që pengon futjen e kriminelëve në politike. Jam i impresionuar nga paketa e reformës në drejtësi. Dua të theksoj se kjo është diçka që udhëheqja juaj ka ndërmarrë. Ata janë të përkushtuar për një qeverisje më llogaridhënëse dhe kjo kërkon mbështetjen e çdo shqiptari. Unë jam këtu të konfirmoj në emër të presidentit Obama se jemi me ju në këtë rrugë.
Por në fund, vetëm shqiptarët mund të miratojnë ligjet e duhura dhe këtë e di nga përvoja vetjake. Unë e di se është e vështirë që të kapësh persona që janë bërë të lumtur me shmangien e përgjegjësive duke u përfshirë në një formë të aktivitetit korruptiv.
Jam i bindur se Kryeministri dhe qeveria është e angazhuar për një rrugë që do ta çojë Shqipërinë drejt Europës dhe begatisë për popullin shqiptar.
Duhet që gjyqtarët dhe prokurorët tu përmbahen të njejtave rregullave dhe të gjithë të trajtohen njësoj pavarësisht se cila parti është në pushtet. Shqipëria ka bërë shumë përparim në çerekshekullin e kaluar.
Nuk është e lehtë të ndërtosh një demokraci të fortë dhe puna nuk përfundon kurrë. Edhe ne kemi setin tonë të sfidave, por gjëja më e mirë është të flasësh për to hapur në mënyrë që të trajtohen shqetësimet e popullit. Nuk ka asnjë mëdyshje që Shqipëria ka arritur shumë. Ju mund të mbështeteni te SHBA.
/Opinion.al/
Rama para John Kerry-t: Në Mars votojmë reformën në drejtësi
