Kohët e fundit përdorimi i duhanit në ekrane apo kinema është ulur ndjeshëm, por prap thithja e cigares dhe tymi që del nga buzët e aktores apo aktorit mbeten shumë kinematografike. Ky xhest që i jep aktorit një pamje medituese është i pa rezistueshëm për regjisorët, mjaftojmë të shofim Oscar-ët e këtij viti, ku në filmin Carol, aktorja Cate Blanchett konsumon vazhdimisht duhan, duke marrë pamjen e dikujt që ka rënë thellë në mendime.
Gjithashtu në skena të ndryshme filmash aktorët konsumojnë edhe lloje të ndyshme narkotikësh, por si ja bëjnë që:
1- Mos të shkelin ligjin,
2- Mos të dëmtojnë shëndetin e aktorit.
Duke patur parasysh që një skene filmi mund të xhirohet deri në dhjetra herë, konsumi i duhanit apo i narkotikëve të vërtetë nuk do ishte ide e mirë. Ka raste që aktorët janë të mitur apo nuk konsumojë duhan në jetën e tyre private. Për më shumë qartësi është pyetur Jeff Butcher një nga veteranet e kinematografisë që ka marrë pjesë në filma si: “Requiem for a Dream” dhe “The Wrestler”.
Ai thote se, deri ne vitet 90 në shumicën e rasteve përdorimi i duhanit dhe narkotikëve ishte i vërtetë, por tani gjërat kanë ndryshuar. Ditët e sotme cigaret janë të mbushura me barishte dhe jo më me duhan. Liam Neeson në filmin “Non Stop” ka konsumuar cigare të mbushur me çaj kamomili të cilat u përgatitën nga stafi.
Gjithashtu edhe në skenat e konsumit të marijuanës përdoret nje gamë e gjërë barishtesh natyrale si në filmin “Pineapple Express”.
Pudër për fëmijë dhe soda e bukës duken se kanë qënë më të përdorurat për skenat e konsumit të kokainës, por kohët e fundit është shtuar përdorimi i vitaminës B, e cila jep një efekt të shkurtër euforie, dhe e bën perfekte për zëvendësuesin e kokainës në këto skena.
