TIRANE- Ilir Meta nguroi pak, por e dha mendimin e tij për parkun e Liqenit. Pyetjes së gazetarit të ABC News, Indrit Maraku se çfarë mendoni për këtë park, për të cilin shoqëria civile proteston?- Kryetari i Kuvendit dhe i LSI u shpreh: “Për këtë duhet të pyesni anëtarët e LSI në Këshillin Bashkiak, por megjithëatë mendoj se raporti i Bashkisë me qytetarët duhet të jetë i hapur, duhet të ketë transparencë”.
Më tej, Meta vijoi: “Kjo çështje ka ndjeshmëri të madhe tek qytetarët edhe për shkak të dëmeve të mëdha që i janë bërë mjedisit në të shkuarën. Transparenca ndihmon për të ulur spekulimet”.
Pra, shihet qartë se Ilir Meta i kërkon Erion Veliajt të bëjë transparencë për këtë projekt. Dhe më këtë rast i kujton edhe dy ish-kryetarëve të Bashkisë, Rama dhe Basha dëmet që i kanë bërë mjedisit me lejet e ndërtimit. /Opinion.al
