Parlamenti u përfshi mesditën e sotme në debate të ashpra që përfunduan me përjashtimin e Flamur Nokës nga seanca e parlamentit, pasi i bllokoi fjalën Kryeministrit Rama.
Por çfarë e acaroi situatën?
Ishte Sali Berisha ai që nga foltorja e Parlamentit i kërkoi Edi Ramës të flasë për faktin se nuk arrestohet Tahiri apo për Saimir Tahirin që hetohet për trafik droge. Në këtë kontekst Berisha deklaroi se në makinë me Orest Sotën ditën që u kap me 800 mijë euro ka qenë vetë Saimir Tahiri. Po kështu Berisha akuzoi se vertetimin fals nga Prokuroria e Katanias e ka marrë Engjell Agaçi, sekretar i përgjithshëm i Kryeministrit. Bëhet fjalë për dokumentin që paraqiti Tahiri rreth një muaj më parë dhe pretendonte se ndaj tij nuk po hetohet në Itali.
Pas fjalës së Berishës në foltore është ngritur Edi Rama duke ofenduar Berishën me fjalët “je llazorja më e madhe e këtij vendi”. Në këtë moment Flamur Noka është ngritur në foltore duke mos e lejuar Ramën të fjalë.
Debati në Parlament
Rama: Nuk i thashë as injorant, as idiot, as kriminel, asgjë nga fjalët që tha ai, i thashë thjesht dhe vetëm një opinion, një llazore.
Ruçi: Zoti Noka të tërheq vëmendjen, për të pestën herë të nxjerr përjashta.
Rama: Ç’është ky mo? Nga cili pyll ka dalë, tërhiqeni në strofull.
Flamur Noka: Nga pylli i sat ëme
Ruçi përjashton Flamur Nokën nga parlamentit. Seanca tashmë ka nisur me fjalen e Ramës i cili iu rikthye ceshtjes se permbytjeve.
