Barcelona konfirmon edhe njëherë se mbetet favorite kryesore në fitoren 2:1 kundër Atletico Madrid në “Nou Camp” gjatë mbrëmjes të së martës, megjithëse ishin në disavantazh.
Dopieta e Luis Suarez i dha fitoren ekipit të Luis Enriques, por loja shfaqi edhe disa gjëra negative që janë hasur shpesh në dekadën e fundit në të mirë të Barcelonas.
Më poshtë keni 10 arsyet pse kryesuesit e La Ligas nuk janë të preferuarit e të gjithë tifozëve.
Stimulimet teatrale
Një taktikë e përdorur nga shumë lojtarë të Barcelonas gjatë dekadës së fundit, teksa ata rrëzohen në tokë nga një ndërhyrje që ata e bëjnë të duket kriminale dhe kalojnë pesë minutat në vazhdim duke u rrotulluar në tokë nga “agonia”. Nuk ka nevojë të ketë kontakt që të shohim skena të tilla…
Sergio Busnquets
Një lojtar i mirë dhe një nga mesfushorët më të mirë në botë, por reputacioni i tij ka pësuar disa goditje me kalimin viteve për shkak të stimulimeve të shpeshta. Një incident të vjen direkt në mendje: ishte viti 2010 dhe ai shfrytëzoi deri në maksimum një “shpullë” të Mottas, çka e bëri italianin e Interit të dilte me karton të kuq.
Favorizimet nga arbitrat
Luis Felipe dukej tepër i habitur në përfundim të ndeshjes të së martës midis Atleticos dhe Barças. “Nuk e di se çfarë duhet të bëjë një lojtar i Barcelonas për të marrë një karton të kuq.”
Luis Suarez ishte i përfshirë në disa incidente gjatë ndeshjes por mesa duket nuk ka mjaftuar për gjyqtarin. Nuk është herë e parë që Barcelona ndihmohet kaq dukshëm nga arbitri.
“Mes Que un Club”
Një moto që adhurohet nga i gjithë stadiumi por që ofendon shumë tifozë futbolli. Fraza katalane e cila përkthehet ‘Më shumë se një klub’
shihet nga shumë si një shprehje arrogante e klubit.
Akuzat e mashtrimit tatimor
Lojtarët e Barcelonas kanë vite që nuk rrëshqasin nga lupa e faqeve të lajmeve, me Neymar, Mascherano dhe Messi që po përballen me akuza për evazion tatimor.
Partneriteti me Qatar Airways
Lidhja e Barcelonas me Qatar Airways kanë nxjerrë në internet shumë reklama, por promovimi i një shteti i cili nuk ka shumë nga të drejtat bazike të njeriut shihet si një shenjë antisportive dhe tepër e gabuar nga shumë sportdashës.
Luis Suarez
Ai ishte lojtari i ndeshjes kundër Atleticos. Por edhe njëherë ai shfaqi anën e tij të errët dhe ishte shumë me fat që nuk u përjashtua nga arbitri i ndeshjes.
Gerard Pique
Pique është një nga ikonat e këtij klubi, por besnikëria e tepruar e katalanasit ndonjëherë i ka shkaktuar shumë polemika.
Edhe kur Real Madrid u eliminua nga Copa del Rey për shkak se aktivizoi një lojtar të pezulluar, ai nuk mungoi me komentet e tija të hidhura.
Të fitosh gjithmonë është e mërzitshme
Patjetër, futbolli i tyre është fantastik. Por numri i golave të shënuar nga MSN është kthyer në një eveniment të përjavshëm dhe ka humbur kuptimin. Barcelona është shembulli më i mirë se e jashtëzakonshmja dhe e mërzitshmja janë shumë pranë njëratjetrës.
Blerja e lojtarëve gjatë pezullimit të transferimeve
E mbani mend kur Barcelonas nuk i lejohej të bënte asnjë transferim për një periudhë të caktuar? Epo, nuk është se ata u shqetësuan shumë, duke bërë dy blerje edhe pse nuk i lejohej dhe mori në ekip Arda Turan dhe Alex Vidal.
