Dy palestinezë mbetën të vrarë si pasojë e sulmeve ajrore të Izraelit në Rripin e Gazës, duke e çuar numrin e vdekjeve në 12, që nga fillimi i ofensivës më 12 nëntor.
Në shenjë hakmarrjeje, militantët palestinezë hodhën raketa në Izrael.
Kjo është dita e dytë një përshkallëzimit të dhunës ndërkufitare, pasi Izraeli vrau në Rripin e Gazës një komandant të lartë të Xhihadit Islamik, një grup militant palestinez i mbështetur nga Irani.
Autoritet izraelite u shprehën se Baha Abu Al-Atta kishte kryer një seri sulmesh ndërkufitare dhe po planifikonte më shumë.
Një sulm raketor izraelit shenjestroi gjithashtu shtëpinë e një zyrtari të Xhihadit Islamik në Damask, duke vrarë dy persona, sipas mediave shtetërore siriane. Xhihadi Islamik tha se objektivi ishte shtëpia e liderit politi, Akram Al-Ajuri.
Si përgjigje, militantët hodhën rreth 200 raketa në Izrael gjatë gjithë ditës. Sulmet e mëtejshme ajrore izraelite mbi objektivat e grupit militant në Gaza vranë tetë palestinezë.
Hamasi, grupi kryesor militant që drejton Rripin e Gazës, me sa duket po qëndron jashtë luftimeve.
I dërguari i Kombeve të Bashkuara për Lindjen e Mesme është nisur në drejtim të Kajros për të filluar ndërmjetësimin, në mënyrë që ti jepet fund dhunës./Opinion.al/
