Pesë palestinezë, një prej të cilëve 15-vjeç, u vranë nga një sulm i forcave izraelite, në një kamp refugjatësh në Jenin.
Sipas të dhënave nga vendngjarja, një helikopter i ushtrisë izraelitë lëshoi raketa ndaj militantëve palestinezë, të cilët në ato momente po sulmonin trupat me eksploziv.
Ushtria izraelite bën me dije se disa mjete të ushtrisë kanë mbetur të bllokuara në këtë zonë dhe një operacion ka nisur për tërheqjen e tyre.
Kjo është hera e parë pas shumë vitesh që Izraeli përdor një helikopter për të sulmuar militantët në Bregun Perëndimor dhe sipas ekspertëve kjo gjë u bë e pashmangshme pasi forcat izraelite po përpiqeshin që të evakuonin ushtarët që kishin mbetur pas.
Gjatë 18 muajve të fundit, Izraeli ka intensifikuar operacionet ushtarake dhe rrënimin e shtëpive në qytetet palestineze të Bregut Perëndimor, në mes të një rritje të sulmeve palestineze që synojnë izraelitët.
Që nga fillimi i këtij viti, të paktën 161 palestinezë janë vrarë në Bregun Perëndimor dhe Rripin e Gazës, ndërsa izraelitët numërojnë 21 viktima.
