Plani i pasluftës i Izraelit nuk është një “pushtim i vazhdueshëm” i Gazës, tha të martën një këshilltar i lartë i kryeministrit Benjamin Netanyahu.
“Unë mendoj se mund të prisni diçka më të rrjedhshme, diçka më fleksibël ku ne mund të lëvizim dhe të largohemi sipas nevojës për t’u marrë me situatën e sigurisë,” i tha këshilltari Mark Regev për Christiane Amanpour të CNN.
“Ne nuk po flasim për ndonjë lloj okupimi të vazhdueshëm të Rripit të Gazës.”
I pyetur në lidhje me komentet e Netanyahu në ABC News të hënën, se Izraeli do të ketë “përgjegjësinë e përgjithshme të sigurisë” në Gaza për një “periudhë të pacaktuar” pas përfundimit të luftës, Regev tha: “Ne duhet të bëjmë dallimin midis një pranie sigurie dhe kontrollit politik”.
“Kur kjo të përfundojë dhe ne të kemi mundur Hamasin, është thelbësore që nuk do të ketë një element terrorist të ringjallur, një Hamas të ringjallur. Nuk ka kuptim ta bëjmë këtë dhe të kthehemi në fillim,” tha Regev.
“Do të duhet të ketë një prani izraelite të sigurisë, por kjo nuk do të thotë se Izraeli po ri-pushton Gazën, kjo nuk do të thotë se Izraeli është atje për të qeverisur Gazanët.
