Izraeli ka vaksinuar deri tani më shumë se 1 milion persona.
Një shifër e tillë duket se ka kryesuar mbi të gjitha vendet e botës sa i përket imunizimit ndaj koronavirusit.
Bëhet me dije se kjo shifër u arrit me një ritëm prej 150 mijë vaksinash në ditë që prej 19 dhjetorit, që u jepen punonjësve të shëndetësisë, personave me sëmundje bashkëshoqëruese dhe atyre mbi 60 vjeç. Vendi nëshkroi një kontratë me kompaninë Pfizer/BioNTech që në fazat e para të pandemisë.
Sipas shifrave të “Our World Data”, Izraeli ka vaksinuar deri tani 11,5% të popullësisë, ndjekur nga Bahrejni me 3,49% dhe Mbretëria e Bashkuar me 1,47%.
E po sipas këtij raportimi, rezulton se Izraeli ka kryesuar listën e të gjithë shteteve të cilat kanë filluar vaksinimin.
Për ilustrim, Franca ka vaksinuar vetëm 138 persona deri në 30 dhjetor.
Shtetet e Bashkuara deri më datë 30 dhjetor kishin vaksinuar 2,78 milionë persona, edhe pse plani fillestar ishte që deri më fund të vitit 2020, të ishin vaksinuar 20 milionë persona./Opinion.al
