Trupat e gjashtë pengjeve të marra nga Hamasi më 7 tetor u gjetën në një tunel në zonën Rafah të Rripit të Gazës. Këtë e konfirmojnë forcat e armatosura të Izraelit.
Në një deklaratë, Forcat Mbrojtëse të Izraelit thanë se trupat u gjetën të shtunën në një tunel nëntokësor në zonën Rafah.
Trupat e Carmel Gat, Eden Yerushalmi, HershGoldberg-Polin, Alexander Lobanov, Almog Sarusi dhe Ori Danino u dërguan në Izrael, thuhet në një deklaratë.
Zëdhënësi Daniel Hagari tha se një vlerësim fillestar ishte se ata ishin “vrarë brutalisht nga terroristët e Hamasit pak para se t’i gjenim ata”.
“Ata u morën të gjithë peng më 7 tetor [2023] dhe u vranë nga Hamasi në Rripin e Gazës”, thanë autoritetet.
