Me shumë gjasa, Ushtria Izraelite nuk do të ndalet pavarësisht thirrjeve të fuqive të mëdha për të ndërprerë operacionet në Gaza. Një ditë më parë Gjykata Ndërkombëtare e Drejtësisë e urdhëroi atë të ndalte luftën , por bombardimet vazhdojnë edhe sot.
Ushtria izraelite po bombardon edhe këtë të shtunë, Rripin e Gazës, përfshirë Rafahun, një ditë pasi Gjykata Ndërkombëtare e Drejtësisë e urdhëroi atë të ndalonte operacionet atje, mes përpjekjeve në Paris për të ndërmjetësuar një armëpushim midis Izraelit dhe Hamasit.
Gjykata Ndërkombëtare e Drejtësisë, autoriteti më i lartë gjyqësor i OKB-së, urdhëroi gjithashtu Izraelin të mbajë të hapur kalimin Rafah, i cili është thelbësor për hyrjen e ndihmave humanitare, por që është mbyllur që nga fillimi i operacionit tokësor në fillim të majit.
Por megjithatë, bombardimet izraelite vazhduan në Rripin e Gazës. Në të njëjtën kohë kanë edhe përplasjet mes ushtrisë izraelite dhe krahut të armatosur të Hamasit. Herët në mëngjes, sipas dëshmive të palestinezëve ka pasur sulme izraelite në jug të Rafahut si dhe në qendër
“Ne shpresojmë që vendimi i Gjykatës do të ushtrojë presion mbi Izraelin për t’i dhënë fund kësaj lufte shfarosjeje, sepse nuk ka mbetur asgjë këtu,” thonë vendasit për mediat ë huaja
Izraeli e nisi luftën më 7 tetor pasi Hamasi u fut në territorin izraelit nga Rripi i Gazës, dhe sulmoi, duke vrarë të paktën 1,170 njerëz, kryesisht civilë, kurse nga rradhët e palestinezëve rregjistrohen më shumë se 35 mijë të vrarë.
