Pas votimit kundër Trump në Asambenë e OKB-së, SHBA-të duket se do të hakmerren. Kështu, ambasadorja amerikane Nikki Haley njoftoi se buxheti i misionit të Amerikës në organizatën OKB për periudhën e viteve 2018-2019 do të shkurtohet me mbi 285 millionë dollarë USD. Shkurtime do të ketë edhe në nivel menaxhimi e në funksionet mbështetëse.
“Shtetet e Bashkuara do ta kujtojnë këtë ditë në të cilën u veçuan për t’u sulmuar për vetë aktin e ushtrimit të së drejtës sonë si vend sovran”, do të deklaronte ambasadorja në foltoren e Asamblesë së Përgjithshme pas votimit të rezolutës që riafirmonte statusin e veçantë të Jeruzalemit.
Ndryshe nga rezolutat e Këshillit të Sigurimit, ajo e asamblesë nuk është ligjërisht e detyrueshme për t’u zbatuar, por mbart peshë morale, duke demonstruar vullnetin e shumicës së bashkësisë ndërkombëtare.
Në lëvizjen e saj, Amerika megjithatë nuk mbetet krejt e vetme. Një ditë më pare, edhe Guatemala vendosi të zhvendosë ambasadën e vet nga Tel Avivi në Jeruzalem, një hap ky që e ka kënaqur padyshim Uashingtonin.
